هستاذنكم قبل ما أدخل فى الموضوع انى هكتب بالعامية
أخواننا الحلوين
طبعا كلنا عارفين التحول التاريخى الفظيع للسياسة فى مصر و تحول جماعة الإخوان المسلمين من جماعة محظورة عيب أننا ننضم ليها لأغلبية برلمانية ساحقة محدش يقدر يقف قدامها
بصراحة أنا كنت مشفق جدا عالاخوان زمان .. قمع و اعتقالات و ظلم بين للقيادات و كنت مستغرب جدا ليه النظام السابق بيعمل كدا معاهم ليييه !!
قبل الوقفة الاحتجاجية فى ميدان التحرير يوم 25 يناير 2011 أنا فاكر كويس ان الإخوان رفضوا المشاركة رفض تام فى اليوم دا و سبحان مغير الأحوال فى جمعة الغضب و الإخوان نزلوا بعد ما إتاكدوا تماما ان الموضوع كبر و تحول من شوية عيال لرفض جماهيرى .. اظنهم خافوا تفوتهم حاجة زى دى .. بس منقدرش ننكر انهم كانوا كانوا رجالة وواقفين وقفة رجالة فى موقعة الجمل .. كانوا
و شاركوا فى الثورة .. كانوا تقريبا الكيان الأكثر تنظيما و عددا و أتيحت ليهم بعد الثورة تكوين حزب سياسي و حقهم طبعا انهم يشاركوا فى الحياة السياسية بعد القمع و الظلم اللى اتعرضوا ليه من قديم الأزل
كنا متفائلين قوى بعد الثورة أننا أيد واحدة و هنبنى و نعمر و كله قال أننا ميهمناش أى مصالح شخصية كل اللى يهمنا المصلحة العامة .. مصلحة الوطن .. مصر ..
بدأنا الحراك السياسي و يا رجالة فى استفتاء يوم 19 مارس .. هااا ؟؟ هوا مش مهم خالص كان الاستفتاء عن ايه .. لأن اللى استفتينا عليه محصلش أصلا منه حاجة .. الاستفتاء دا بينلى ان اللعب على الوتر الدينى و رجوعنا لعصور الظلام فى أوروبا و أخواننا الحلوين قالوا يا جماعة اللى هيقول نعم للتعديلات الدستورية هيدخل الجنة و اللى هيقول لا هيتنفخ فى النار
أخواننا الحلوين قالوا يا جماعة احنا لا نطمع فى السلطة و مش هندخل بعدد كبير البرلمان عشان منخدش أغلبية
الإخوان بعد ما الحزب بتاعهم اتعمل بدأت نبرة كلامهم تتغير و يلمحوا باحقيتهم فى السلطة .. و بدأوا يبعدوا تدريجيا عن ائتلافات الثورة و اظن ان فى الوقت دا الصفقات بينهم و بين مركز القوة الوحيد الموجود بدأت تنعقد .. و بدأوا يغلبوا المصلحة الاسمى عندهم و هيا السلطة على مصلحة الشهداء و المحاكمات العسكرية لناس فعلا معملوش أى حاجة و فكوا خاالص للثورة و اتضح ان الثورة بالنسبة ليهم انهم يوصلوا للسلطة بس للأسف ..
مفتكرش أى تصريح مهم ليهم فى أزمة ماسبيرو .. قولت عادى هما أصلا ملهمش أى دخل بيها
و جت أوضح نقطة فاصلة فى علاقة الإخوان بالقوى الثورية و اتجاه علاقتهم بالثورة و اللى عاوزينه منها موقعه محمد محمود .. اتشرف انى حضرتها من أولها لآخرها و بصراحة غيرت فيا كتير .. باختصار و بدون دخول فى تفاصيل الإخوان رفضوا دعم الثوار اللى كانت مطالبهم واضحة بتحديد جدول زمنى للمرحلة القادمة من وضع دستور و ميعاد انتخاب رئيس الجمهورية كلها مطالب ثورية خالصة لا يوجد فيها شبهة مصلحة شخصية و لأن دا حصل قبل انتخابات مجلس الشعب و الإخوان كانوا هيموتوا عليه رفضوا إمداد المصابين بأي أدوية و قالولنا بالنص أنتوا شوية بلطجية و مش هنعالج بلطجية .. و رفضوا رفض قاطع النزول مع الناس اللى ملهاش أى مصلحة غير مصلحة بلدها .. خانوا الثوار بمعنى الكلمة .. وصل بأحد القيادات و اللى كان ممكن يبقى رئيس انه يقول فى لقاء مع أحد الصحف ان اللى فى التحرير دول شوية بلطجية كل اللى عاوزينه انهم يوقفوا سير العملية الانتخابية و انهم عاوزين يفسوا عجلة الانتاج و يخربوا البلد .. حبايب قلبى و الله يا أخواننا
و جت الانتخابات و قولت هما عاوزين بجد مصلحة البلد و نزلوا فى كل الدوائر .. هما و أخواننا السلفيين اللى كفروا و حرموا كل من يخرج على ميارك .. أقصد الحاكم ..
و جت ذكرى الثورة 25 يناير و كل الناس تقول الثورة مكملتش و نازليين نكمل ثورتنا .. أخواننا يقولوا هنحتفل بيها ما خلاص عاوزين عجلة الانتاج تجرى حرااااااام قرفتونا بقى و طبعا فاكرين المهزلة اللى حصلت في التحرير يومها فى معركة المنصات و ازاى تهتفوا ضد المجلس العسكري حرام عليكم !!!!!
خلصت الانتخابات و جه الجنزورى بيه و الإخوان و هما أغلبية برلمانية جت بإرادة الشعب و بالزيت و الشاي و السكر
هللوا للجنزورى و قالوا ان الاعتصام اللى رافض ان الجنزورى دول شوية بلطجية عاوزين يوقفوا عجلة الانتاج و يوقفوا المراكب السائرة ... و مش فاهمين ليه هما رافضينه ؟؟!! عشان من النظام السابق ؟؟!! نسيبه يأخد فرصته .. معتصمين ليه و رافضين دخوله مكتبه ؟؟ عشان الشهدا !! طب ماهما خلاص ماتوا .. كان ممكن الجنزورى بدخل من أى بوابة تانية بس هوا كان مكسل يلف حواليين السور و يدخل من ورا ..
و جت أحداث مجلس الوزرا و السحل و الضرب و الفشخ اللى الناس اتفشختوا و الصور الواضحة لضرب الرصاص الحي و سحل البنات و كشف العذرية و حرق المجمع العلمي اللى أقسم بالله اللى كان السبب فيه العساكر اللى كانت واقفة فوق و بتضرب فى الناس الموجودة حواليه .. كنت منتظر بيان قوى من مجلس الشعب و طلع البيان ان .. البت اللى اتسحلت و طلع عين اللى جابها و اتضربت و اتدهست كانت لابسة عباية كباسين على اللحم .. تخيلوا يا جماعة كانت لابسة عباية كباسين على اللحم !!!!!!!!
و الداخلية مضربتش خرطوش عالناس و الناس اللى اتصابت من الخرطوش كانت بتحلم و الحلم قلب بجد
و أعلنت جماعة الإخوان المسلمين عدم الدفع بمرشح فى الرئاسة و لم تستقر على دعم أحد المرشحين و كنت شامم ريحة صفقة بين العسكري و الإخوان .. و قالوا أننا منتظرين مرشح توافقى بين المجلس و الإخوان و كان خلاص المجلس و الإخوان أعلنوا الوصايه على الشعب
و بدأ فعليا جلسات المجلس الموقر و كانت المواضيع ساخنة جدا !!
تدريس الإنجليزى حرااااااام
عاوزين نقابة ائمة
الداخلية فيها و لا مفيهاش خرطوش
البلكيمى و مناخيره
العليمى و شتيمته لعمو المشير
واحد نفسه يدخل الحمام
و واحد عاوز يعرف هوا زويل الخائن اتبرع ليه بفلوس نوبل لإسرائيل !!!
الشهدا مش شهدا و لازم نعمل كشف قبل الثورة عليهم سوابق و لا لا
و البرنس اللى أذن عشان الصلاة
رئيس المجلس اللى عامل فيها رائد فصل
كبروا دماغهم خالص من حقوق الشهدا و أزمة البنزين و الدعم و المطالب الفئوية و كل اللى المشاكل الحقيقية و استسهلوا خاااالص و كبروا دماغهم بجد
مرت الأيام و الليالى و حسوا ان مجلس الشعب ذا عبارة عن سكاتة أطفال و لا ليه أي تلاتين لازمة و بداو يحسوا انهم اتضحك عليهم و بداوا يهاجموا فى الراجل اللى باعوا الثوار عشانه الجنزورى الغلبان و بعد ما إتاكدوا خلاص ان السلطة مبقتش ليهم حاولوا يسحبوا الثقة من الحكومة و يشكلوا هما الحكومةلانهم أغلبية طبعا و الشعب الغبي هوا اللى جابهم اتضحلهم انهن مبيعرفوش ..
و ميقدروش يعملوا كدا
طب نشكل اللجنة التأسيسية مننا و عملوا كدا بس مجلس الدولة الجامد قوى قالهم لا ياد انت و هوا مينفعش
قالوا طب نرشح واحد للرئاسة لأن أى رئيس بيفكر هيجى و يحل أم مجلس الشعب دا و نتسوح احنا و نشرح بجرجير
نرشح مين ؟ نرشح مين ؟ طب نحاول نجر ناعم مع أبو الفتوح .. أبو الفتوح كشملهم و قالهم يلا ياد انت و هوا
نرشح يوسف هذا العصر برنس الليالى و رمانة الميزان خيرت الشاطر .. الشاطر قوى
و لما لقيوا قلق انه ممكن نحط واحد احتياطى عشان لو الشاطر جالوا شد أو اتصاب ننزل محمد مرسي البديل
و جت المصيبة الكبرى بالنسبالهم هما طبعا .. استبعاد قائمة الشاطر من منتخب مصر .. كدا برضه يا برادلى !!!
لبسوا فى الحيطة يا عين أمهم
لما لقيوا كل الطرق للكرسي مقفولة رجعوا للميدان و سايبهم من شوية بيقولوا يسقط يسقط حكم العسكر فى الميدان اللى افتكروه لما الشاطر طار
أنا أكن كل احترام لجماعة الإخوان المسلمين لما كانوا غير طامعين للسلطة و كل اللى عاوزينه انهم يعمروا البلد بجد
الإخوان لو يحملوا الخير بجد لكل مصر كانوا بداوا تعمير فى البلد من غير كرسي سلطة
أنا أعرف شباب كتير من الإخوان و شاركوا معانا فى محمد محمود و مجلس الوزرا بس بصفتهم مصريين مش أخوان مسلمين !!!
احمد عبد العليم
20/4/2012
أخواننا الحلوين
طبعا كلنا عارفين التحول التاريخى الفظيع للسياسة فى مصر و تحول جماعة الإخوان المسلمين من جماعة محظورة عيب أننا ننضم ليها لأغلبية برلمانية ساحقة محدش يقدر يقف قدامها
بصراحة أنا كنت مشفق جدا عالاخوان زمان .. قمع و اعتقالات و ظلم بين للقيادات و كنت مستغرب جدا ليه النظام السابق بيعمل كدا معاهم ليييه !!
قبل الوقفة الاحتجاجية فى ميدان التحرير يوم 25 يناير 2011 أنا فاكر كويس ان الإخوان رفضوا المشاركة رفض تام فى اليوم دا و سبحان مغير الأحوال فى جمعة الغضب و الإخوان نزلوا بعد ما إتاكدوا تماما ان الموضوع كبر و تحول من شوية عيال لرفض جماهيرى .. اظنهم خافوا تفوتهم حاجة زى دى .. بس منقدرش ننكر انهم كانوا كانوا رجالة وواقفين وقفة رجالة فى موقعة الجمل .. كانوا
و شاركوا فى الثورة .. كانوا تقريبا الكيان الأكثر تنظيما و عددا و أتيحت ليهم بعد الثورة تكوين حزب سياسي و حقهم طبعا انهم يشاركوا فى الحياة السياسية بعد القمع و الظلم اللى اتعرضوا ليه من قديم الأزل
كنا متفائلين قوى بعد الثورة أننا أيد واحدة و هنبنى و نعمر و كله قال أننا ميهمناش أى مصالح شخصية كل اللى يهمنا المصلحة العامة .. مصلحة الوطن .. مصر ..
بدأنا الحراك السياسي و يا رجالة فى استفتاء يوم 19 مارس .. هااا ؟؟ هوا مش مهم خالص كان الاستفتاء عن ايه .. لأن اللى استفتينا عليه محصلش أصلا منه حاجة .. الاستفتاء دا بينلى ان اللعب على الوتر الدينى و رجوعنا لعصور الظلام فى أوروبا و أخواننا الحلوين قالوا يا جماعة اللى هيقول نعم للتعديلات الدستورية هيدخل الجنة و اللى هيقول لا هيتنفخ فى النار
أخواننا الحلوين قالوا يا جماعة احنا لا نطمع فى السلطة و مش هندخل بعدد كبير البرلمان عشان منخدش أغلبية
الإخوان بعد ما الحزب بتاعهم اتعمل بدأت نبرة كلامهم تتغير و يلمحوا باحقيتهم فى السلطة .. و بدأوا يبعدوا تدريجيا عن ائتلافات الثورة و اظن ان فى الوقت دا الصفقات بينهم و بين مركز القوة الوحيد الموجود بدأت تنعقد .. و بدأوا يغلبوا المصلحة الاسمى عندهم و هيا السلطة على مصلحة الشهداء و المحاكمات العسكرية لناس فعلا معملوش أى حاجة و فكوا خاالص للثورة و اتضح ان الثورة بالنسبة ليهم انهم يوصلوا للسلطة بس للأسف ..
مفتكرش أى تصريح مهم ليهم فى أزمة ماسبيرو .. قولت عادى هما أصلا ملهمش أى دخل بيها
و جت أوضح نقطة فاصلة فى علاقة الإخوان بالقوى الثورية و اتجاه علاقتهم بالثورة و اللى عاوزينه منها موقعه محمد محمود .. اتشرف انى حضرتها من أولها لآخرها و بصراحة غيرت فيا كتير .. باختصار و بدون دخول فى تفاصيل الإخوان رفضوا دعم الثوار اللى كانت مطالبهم واضحة بتحديد جدول زمنى للمرحلة القادمة من وضع دستور و ميعاد انتخاب رئيس الجمهورية كلها مطالب ثورية خالصة لا يوجد فيها شبهة مصلحة شخصية و لأن دا حصل قبل انتخابات مجلس الشعب و الإخوان كانوا هيموتوا عليه رفضوا إمداد المصابين بأي أدوية و قالولنا بالنص أنتوا شوية بلطجية و مش هنعالج بلطجية .. و رفضوا رفض قاطع النزول مع الناس اللى ملهاش أى مصلحة غير مصلحة بلدها .. خانوا الثوار بمعنى الكلمة .. وصل بأحد القيادات و اللى كان ممكن يبقى رئيس انه يقول فى لقاء مع أحد الصحف ان اللى فى التحرير دول شوية بلطجية كل اللى عاوزينه انهم يوقفوا سير العملية الانتخابية و انهم عاوزين يفسوا عجلة الانتاج و يخربوا البلد .. حبايب قلبى و الله يا أخواننا
و جت الانتخابات و قولت هما عاوزين بجد مصلحة البلد و نزلوا فى كل الدوائر .. هما و أخواننا السلفيين اللى كفروا و حرموا كل من يخرج على ميارك .. أقصد الحاكم ..
و جت ذكرى الثورة 25 يناير و كل الناس تقول الثورة مكملتش و نازليين نكمل ثورتنا .. أخواننا يقولوا هنحتفل بيها ما خلاص عاوزين عجلة الانتاج تجرى حرااااااام قرفتونا بقى و طبعا فاكرين المهزلة اللى حصلت في التحرير يومها فى معركة المنصات و ازاى تهتفوا ضد المجلس العسكري حرام عليكم !!!!!
خلصت الانتخابات و جه الجنزورى بيه و الإخوان و هما أغلبية برلمانية جت بإرادة الشعب و بالزيت و الشاي و السكر
هللوا للجنزورى و قالوا ان الاعتصام اللى رافض ان الجنزورى دول شوية بلطجية عاوزين يوقفوا عجلة الانتاج و يوقفوا المراكب السائرة ... و مش فاهمين ليه هما رافضينه ؟؟!! عشان من النظام السابق ؟؟!! نسيبه يأخد فرصته .. معتصمين ليه و رافضين دخوله مكتبه ؟؟ عشان الشهدا !! طب ماهما خلاص ماتوا .. كان ممكن الجنزورى بدخل من أى بوابة تانية بس هوا كان مكسل يلف حواليين السور و يدخل من ورا ..
و جت أحداث مجلس الوزرا و السحل و الضرب و الفشخ اللى الناس اتفشختوا و الصور الواضحة لضرب الرصاص الحي و سحل البنات و كشف العذرية و حرق المجمع العلمي اللى أقسم بالله اللى كان السبب فيه العساكر اللى كانت واقفة فوق و بتضرب فى الناس الموجودة حواليه .. كنت منتظر بيان قوى من مجلس الشعب و طلع البيان ان .. البت اللى اتسحلت و طلع عين اللى جابها و اتضربت و اتدهست كانت لابسة عباية كباسين على اللحم .. تخيلوا يا جماعة كانت لابسة عباية كباسين على اللحم !!!!!!!!
و الداخلية مضربتش خرطوش عالناس و الناس اللى اتصابت من الخرطوش كانت بتحلم و الحلم قلب بجد
و أعلنت جماعة الإخوان المسلمين عدم الدفع بمرشح فى الرئاسة و لم تستقر على دعم أحد المرشحين و كنت شامم ريحة صفقة بين العسكري و الإخوان .. و قالوا أننا منتظرين مرشح توافقى بين المجلس و الإخوان و كان خلاص المجلس و الإخوان أعلنوا الوصايه على الشعب
و بدأ فعليا جلسات المجلس الموقر و كانت المواضيع ساخنة جدا !!
تدريس الإنجليزى حرااااااام
عاوزين نقابة ائمة
الداخلية فيها و لا مفيهاش خرطوش
البلكيمى و مناخيره
العليمى و شتيمته لعمو المشير
واحد نفسه يدخل الحمام
و واحد عاوز يعرف هوا زويل الخائن اتبرع ليه بفلوس نوبل لإسرائيل !!!
الشهدا مش شهدا و لازم نعمل كشف قبل الثورة عليهم سوابق و لا لا
و البرنس اللى أذن عشان الصلاة
رئيس المجلس اللى عامل فيها رائد فصل
كبروا دماغهم خالص من حقوق الشهدا و أزمة البنزين و الدعم و المطالب الفئوية و كل اللى المشاكل الحقيقية و استسهلوا خاااالص و كبروا دماغهم بجد
مرت الأيام و الليالى و حسوا ان مجلس الشعب ذا عبارة عن سكاتة أطفال و لا ليه أي تلاتين لازمة و بداو يحسوا انهم اتضحك عليهم و بداوا يهاجموا فى الراجل اللى باعوا الثوار عشانه الجنزورى الغلبان و بعد ما إتاكدوا خلاص ان السلطة مبقتش ليهم حاولوا يسحبوا الثقة من الحكومة و يشكلوا هما الحكومةلانهم أغلبية طبعا و الشعب الغبي هوا اللى جابهم اتضحلهم انهن مبيعرفوش ..
و ميقدروش يعملوا كدا
طب نشكل اللجنة التأسيسية مننا و عملوا كدا بس مجلس الدولة الجامد قوى قالهم لا ياد انت و هوا مينفعش
قالوا طب نرشح واحد للرئاسة لأن أى رئيس بيفكر هيجى و يحل أم مجلس الشعب دا و نتسوح احنا و نشرح بجرجير
نرشح مين ؟ نرشح مين ؟ طب نحاول نجر ناعم مع أبو الفتوح .. أبو الفتوح كشملهم و قالهم يلا ياد انت و هوا
نرشح يوسف هذا العصر برنس الليالى و رمانة الميزان خيرت الشاطر .. الشاطر قوى
و لما لقيوا قلق انه ممكن نحط واحد احتياطى عشان لو الشاطر جالوا شد أو اتصاب ننزل محمد مرسي البديل
و جت المصيبة الكبرى بالنسبالهم هما طبعا .. استبعاد قائمة الشاطر من منتخب مصر .. كدا برضه يا برادلى !!!
لبسوا فى الحيطة يا عين أمهم
لما لقيوا كل الطرق للكرسي مقفولة رجعوا للميدان و سايبهم من شوية بيقولوا يسقط يسقط حكم العسكر فى الميدان اللى افتكروه لما الشاطر طار
أنا أكن كل احترام لجماعة الإخوان المسلمين لما كانوا غير طامعين للسلطة و كل اللى عاوزينه انهم يعمروا البلد بجد
الإخوان لو يحملوا الخير بجد لكل مصر كانوا بداوا تعمير فى البلد من غير كرسي سلطة
أنا أعرف شباب كتير من الإخوان و شاركوا معانا فى محمد محمود و مجلس الوزرا بس بصفتهم مصريين مش أخوان مسلمين !!!
احمد عبد العليم
20/4/2012
ليست هناك تعليقات:
إرسال تعليق